الكلية الحربية - شرح في 10 خطوات لكيفيه اجتياز كشف الهيئة بنجاح

ازاي تعدي كشف الهيئه ..؟ 
-----------------------------------------------
ناس كتير متعرفش اللي بيتم فالاختبار ده عشان كده هنسهل عليكم الاختبار ونقولك اللي بيتم فيه وافضل نصايح عشان تعدي فالاختبار

 اولا ايه اللي بيتم في اختبار الهيئه؟

بتلتزم بالزي المحدد للاختبار وهو 

1. - قميص ابيض نص كم
2. - بنطالون اسود قماش زي بتاع البدله
3. - جزمه سوده برباط
4. - ساعه بلاستك رياضيه ودي تقريبا مش اجباري
5. - حالق شعرك ودقنك كويس

 ثانيا المراحل اللي بتمر بيها 

1. - بتدخل من بوابه الكليه بتاخد تلقين اي شرح من رتبه هتستقبلك فالصاله
2. - هيقولك تمشي خطوه معتاده وتلتزم بمكانك حسب ترتيبك 
3. - وتخلي بالك من كل تصرفاتك ووقفتك تكون ازاي لان في كاميرات
4. - هيحفظك 7 حاجات اول ما تدخل هتقول تمام يا فندم وتبدا تقولهم ورا بعض

 ثالثا ازاي تجتاز الاختبار ده بكفائه عاليه وتضمن انك تنال اعجاب اللجنه

1. - وقفتك وقعدتك ومشيتك كله ميري قبل الدخول لان في كاميرات
2. - تحفظ ال 7 حاجات اللي هيقلك عليهم الظابط فالتلقين كويس جدا زي اسمك ورا بعض
3. - تدخل قدام اللجنه فالهيئه بدوون اي خووف او قلق او توتر
4. - تقول اي حاجه باعلي صوت عندك حتي لو هتطرشهم عايزهم يقولو عليك اسد واقف قدامهم
5. - تكون واثق جدا في نفسك ومفيش اي رهبه او خووف
6. - تاخد هدف ثابت قدامك ومتبصش علي حد فيهم عشان متتوترش
7. - اي حاجه يسالك فيها اياك تالف لو مش عارف قوله معرفش يا فندم
8. - لو سالك علي حاجه وعايز ترد ب ايوه او اه متقولش كده قوله تمام يا فندم اياك تقول ايوه او اه
9. - ابدا ال7 حاجات اللي ورا بعض ب تمام يا فندم واختم ب تمام يا فندم
10. - اخيرا وانت ماشي تمشي بنفس طريقه دخولك متمشيش متراخي وخلي خطوتك مشيه معتاده